Protect: SMS-алаяқтықтан қорғау

Сайтта ұялы телефон арқылы тіркелген кезде немесе ұялы нөмірге SMS жіберген кезде алаяқтық жағдайлары жиі кездеседі. Пайдаланушы төлемді жібереді, бірақ төленген қызметті алмайды немесе оның шотынан кейбір ақша сомасы үнемі есептен шығарылады. Яндекс Браузер Protect кешенді қорғау жүйесі шеңберінде алаяқтар қолдана алатын сайттарды бақылайды және бұғаттайды.

Күдікті сайттарды бұғаттау

Яндекс алаяқтар пайдалануі мүмкін фишинг сайттары мен ресурстарды қадағалайды. Мұндай сайттардың мекен-жайлары арнайы деректер базасында сақталады. Егер сіз SMS-алаяқтықпен байланысты болуы мүмкін ресурсқа кіруге тырыссаңыз, Браузер ықтимал қауіпті парақшаны бұғаттайды және бұл туралы сізді хабардар етеді —Браузер терезесінде хабарлама және  белгішесі Ақылды жолда пайда болады.

SMS-алаяқтық мысалдары

Төменде сипатталған жағдайлар алаяқтық сайттарда, зарарлы сайттарда (кеше қауіпсіз болған сайт бүгін зарарлануы мүмкін), сондай-ақ компьютеріңізде зарарлы бағдарламалық қамтамасыз ету салдарынан туындауы мүмкін.

Сіздің ұялы телефоныңыз арқылы сайтқа тіркелу

1. Сайт әрртүрлі сылтаулармен ұялы телефоныңыздың нөмірін енгізуді талап етеді. Мысалы, сайтта тіркелу немесе сіздің робот емес екенініңізді растау үшін, бағдарламаны жаңартуды іске қосу, әлеуметтік желіде сіздің шотыңызды бұғаттауды болдырмау және т. б.
2. Телефонға сайтта енгізуге сұратқан қосылу коды келеді.
3. Кодты енгізесіз де, солайша ақылы жазылымды іске қосасыз.
4. Телефоннан күн сайын кейбір сома алынады, көбіне 20-30 рубль.

Телефоныңыздан ұялы нөмірге хабарлама жіберу

1. Сізден сайтта көрсетілген нөмірге мобильді телефоныңыздан хабарлама жіберуіңізді сұрайды.
2. Сіз SMS-ті жібересіз. Жіберу құны сіздің тарифіңіз бойынша SMS құнынан жоғары болады. Әрі құны туралы ақпарат сайтта мүлде көрсетілмеуі мүмкін не болмаса сайтта байқалмайтын бөлімінде келтірілуі мүмкін.
3. Ұялы нөмірге хабарлама жібергеннен кейін сомма бірден телефоныңыздан алынады, әдетте 100-200 рубль. Кейде ақшаны күнделікті есептен шығару қосылады.

Толығырақ біліңіз

• Құрылғыңыздағы мобильді жазылымдарды қалай тексеруге және өшіруге болады

Қосымша қауіпсіздік шаралары

Protect жүйесінің зарарланған және күдікті сайттарының деректер қорында 80 000-нан астам сайт бар, алайда айлакерлік ресурс егер оған әлі шағым түспесе, онда болмауы да мүмкін. Алаяқтардың құрбаны болмау үшін қарапайым қауіпсіздік ережелерін орындаңыз:

• Ұялы телефоныңыздың нөмірін сіз толық сенбейтін сайттарда енгізбеңіз.

• Телефоныңыздан сайттарда көрсетілген нөмірлерге хабар жібермеңіз.

• Кез келген жеке деректерді немесе электрондық төлемдер үшін деректерді (банк карталарының нөмірлері, PIN-кодтар және т. б.) жібермеңіз.

Қорғауды өшіру

Интернет-алаяқтықтан қорғауды өшіру үшін:

1.  батырмасын басыңыз → Баптаулар.

2. Беттің жоғарғы жағындағы Қауіпсіздік қойындысына өтіңіз.

3. Қауіптерден қорғау бөлімінде Қаралатын сайттар мен жүктелетін файлдардың қауіпсіздігін тексеру опциясын өшіріңіз.

SMS-алаяқтықтан қорғауды қайта қосу үшін сол алгоритмді пайдаланыңыз.

Егер Яндекс сіздің сайтыңызды бұғаттаса

Егер Яндекс сіздің сайтыңызды қателікпен бұғаттап жатыр деп ойласаңыз, SMS-алаяқтық бетіндегі нұсқауларды қолданыңыз.